El filubus de la politica

Leggo sui quotidiani "Verona: è scontro sul filubus". bene - digo mi - ancora el ga da partir e ghemo già el primo scontro... alla faccia de la sicuressa de sti mezzi moderni e a l'avanguardia tennologica...
Comunque quel del trasporto publico (de masa?) a Verona l'è na barseleta che no la fa manco più da ridar... i schei de Roma gheli o no gheli? boh... intanto partemo con un progeto che no el piase a nisuni, ma che sicome che l'è l'unico che ghemo i spera che riessa a farghe vinsar de novo la caregheta alla elesioni...
Insoma, leggo meglio la notissia e vedo che nel centro de Verona el va a diesel EURO5 (que moderno!) e che ognuni de sti filubus el costa 1.500.000€ (37 mezzi a 55,5 milioni), saria un milion e mezo de euro. Insoma, considerato quel che costa la Ferrari, forse con tutti quei schei se podaria comprar qualche cossa de meio in fatto de tennologia ecologica (green-come dise me fiol). Ah! dimenticavo: co quel prezo, ghemo la posibilità de sceglierghe el color, il che giustifica la somma. Insomma podemo farlo gialloblù, così i tifosi i lo usarà pa andar a stadio! S'intende, sia Chievo che Hellas, con buona pace de l'AGSM... Considerato che quando gho comprà la me tilitaria el gialloblù no i ghe l'avea mia in concessionaria, questa l'è na bela notissia - in compenso mi gho dato un po' meno schei...
Ma le bele notissie no l'è mia finide: questi bei mezzi tennologici viagiarà a diesel EURO5 par le nostre strade par 20 ani (quindi più par meno fin al 2034) poi i sarà rinnovati par altri 20 ani - quindi filubus novi de paca EURO5 dal 2035 al 2055! Insoma, i ghe fa el prezo de favor de 1 milion e meso, però ghemo da usarlo fin al 2055! nel fratempo l'omo l'avarà inventà el teletrasporto, ma el comun de Verona el ghavarà anco' el filubus a diesel EURO5... soldi ben spesi, se dirà en campagna elettorale... ma in realtà l'unica campagna dove mandaria certi amministatori l'è quela de drio de casa mia, a catar pomi...
Bepi